بنکاک کی سڑکوں پر سیلابی پانی آگيا ہے

مہر خبررساں ایجنسی نے  فرانسیسی بررساں ایجنسی کے حوالے سے نقل کیا ہے کہ تھائی لینڈ کے دارالحکومت بنکاک میں دریا کا پانی کناروں سے باہر آنے کے باعث تھائی حکومت نے دارالحکومت کے کئی اضلاع سے لوگوں کو لازمی طور پر منتقل ہونے کا حکم جاری کر دیا ہے۔ سیلابی پانی تھائی لینڈ کے دارالحکومت بینکاک میں واقع معروف سیاحتی تاریخی مقام اور تھائی بادشاہوں کی قدیمی رہائش گاہ 'گرینڈ پیلس' میں داخل ہوگیا ہے۔سیلابی پانی کی بڑھتی ہوئی سطح کے باعث اب تک شہر کے کئی حصے زیرِ آب آچکے ہیں۔ تھائی لینڈ کی تاریخ کے بدترین سیلاب کے نتیجے میں ہزاروں افراد اپنا گھر بار چھوڑ کر نقل مکانی کرنے پر مجبور ہوئے ہیں۔